Qandaraaska Dani Alves
ee Juventus ayaa si rasmi ah loo burburin doonaa maanta, xilli la sheegayo in
wakiilka daafaca midig ee Real Madrid Danilo uu ku sugan yahay Italy.
Daaficii hore ee
Barcelona ayaa durbaba macsalaameeyay jamaahiirta Bianconeri kaliya hal sanno
uu kooxda joogay.
Xiddiga reer Brazil waxa
uu Manchester City kula midoobi doonaa macalinkiisii hore Pep Guardiola,
waxaana ay jariirada Corriere della Sera ay sheegtay in maanta si rasmi ah
loogu dhawaaqi doono inuu ka tagayo Juventus.
Waxaana ay taasi keeneysaa
in boos uu ka banaanaado booska daafaca midig ee Marwada Duqda ah, waxaana
wargeyska uu xusay inay socdaal wadahadalo ay kula jiraan Danilo.
Waxaa la rumeysan yahay
in Juve ay ku dalbatay daafaca 15 milyan yuro oo kaash ah iyo lacago dheeri ah
oo ku xirnaan doona qaab ciyaareedkiisa, halka Real Madrid ay dalbaneyso 30
milyan yuro.
Wakiilka Danilo ayaa la
rumeysan yahay inuu ku sugan yahay Italy, waxaana uu la kulmi karaa Bianconeri
si ay uga wadahadlaan heshiiska.
0 comments:
Post a Comment
ka fa idaysi wanagsan walaal