Wargeyska Caanka ah ee
Star oo ka soo baxa dalka Turkiga ayaa dhowaan qoray talooyin ku jihaysan qof
kasta oo ay dhibaato ka haysato dhammaanshaha dhaqsaha ah ee lacagta uu ku
shubto adeegsiga Internet ka ee talefankiisa gacanta uu ka gelayo. Talooyinkan
waxa ay qofka u tilmaamayaan tallaabooyinfudud oo qofka qaadaa uu ka badbaadin karo
mushkiladdan waxa aanay kala yihiin:
1. Iska xidh
ogeysiisyada iyagu is-wada (Automatic Notifications) ee inta badan qofka u soo
dhaca marka email ama farriin facebook ku soo dhacdo.
2. Iska xidhi soo
dejinta is-wadda (Automatic downloadka) ee sawirrada iyo fiidyowyada kugu soo
dhaca WhatsApp ka, kana dhig talefankaagu in uu soo dejintan tooska ah sameeyo
keliya marka aad internet ka isticmaalayso WiFi.
3. Cusboonaysiinta
(Updating) waxa aad ka dhigtaa in aanay shaqayn marka aad internet ka
isticmaalayso kaadhkaaga, isla markaana dhammaantood xidh, si ay u shaqeeyaan
oo keliya marka aad WiFi isticmaalayso.
4. Kaydso (Save)
bogagga internet ka ee aad sida joogtada ah u booqato si furistoodu u
fududaato, iyo faylashada aad mar kasta soo dejintooda u baahan tahay, si ku
noqoshadoodu aanay ugu baahan internet.
5. Iska xidh
barnaamijyada aanad isticmaalayn ama shaqada joojiyey cillad awgeed, waayo waxa
ay isticmaalayaan dab badan iyo internet dheeraad ah.
6. Ku dadaal in aad
Fiidyowyada iyo codadka aad rabto ku soo dejisato internet WiFi ah oo keliya,
haddii aad ku qasbanaato in aad kaadhka talefankaaga ka isticmaasho, dooro
tayada hoose (Low quality) sawirrada ah, si aad markaas uun ugudan gaadho waayo
tayada sare (Hight quality) waxa ay kaa isticmaalaysaa internet dheeraad ah.
7. Ka digtoonoow in
aad talefankaaga gacanta ka isticmaasho barnaamijyada culus ee internet ka
badan u baahaay, caadi ahaan barnaamijyada Android iyo iOS waxa ay waxa
leeyihiin meel aad ka yarayn karto muddada barnaamiijyada culusi shaqayn karaan
marka aad internet ka talefankaaga ka isticmaalayso.
8. Iska masax
barnaamijyada aanad sida joogtada ah u isticmaalin, gaar ahaan kuwa aanad u
baahan marka aanad guriga ama xafiiska joogin.
9. Boggaaga Facebook
iyo Instegram ka jooji in fiidyowga la soo dhigaa uu iskii isaga
dhaqdhaqaaqo/shaqeeyo sida caadi ahaan dhacda, iskana jir fiidyow aad taabatay
in isaga oo aan cod samaynayn haddana uu iska sii dhaqdhaqaaqo waayo waxa uu
isticmaalayaa Internet dheeraad ah.
